پۊچەڵکردن پەلاماریگ لەبان کاروانەیل هاوپەیمان ناودەڵەتی لە زیقار
2022-02-03T12:47:03+00:00
شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە پۊچەڵکردن پەلاماریگ وە بومب دانریاگ لەنان کاروانەیل هاوپەیمان ناودەڵەتی لە باشوور عراق.
سەرچەوەگە ئەرا ئاژانس شەفەق نیوز وت هێزەیل ئەمنی بومبیگ لە کنار ری ناودەوڵەتی لە خوەرئاوای شار ناسریە پەیا کردن، لەنزیک خاڵ وەشکین فەدەک، ئەرا پەلامارداین کاروانەیل هاوپەیمان ناودەڵەتی دانریاگە.
وتیش: بومبەگە لەلایەن مەفرەزەیل دژە تەقینەوە وەبی هۊچ زەرەدیگ هەڵگری.
