گردن دوو ژن تیرۆرست و بازرگانەیل پویل دروکانی لە کەرکوک و بەغداد
![گردن دوو ژن تیرۆرست و بازرگانەیل پویل دروکانی لە کەرکوک و بەغداد](https://media.shafaq.com/media/arcella/1608973787335.jpg)
شەفەق نیوز/ وەزارت ناوخۆی عراق، ئمڕوو شەممە، راگەیان دەسگیرکردن دوو ژن تیرۆرست کەفالەت دابەش کەنە بان خیزانەیل ریخریاگ داعش لە کەرکەک، و هەمیش خەوەردا لە دەسگیرکردن توومەتباریگ وە دزیکردن و دووان تر وە بازرگانی پویل دروکانی.
ئاژانس هەواڵگری لە بەیاننامەیگ رەسیە ئاژانس شەفەق نیوز وت: مەفرەزەگانی لە وەڕێۆبەرایەتی هەواڵگری کەرکوک لە وەزارت ناوخۆ توێنستن دەسگیر دوو ژن تیرۆرست وەگورەی مادەی ٤ تیرۆر دەسگیر بکەن، لەوەر لایەنگرییان ئەرا چەتەیل داعش، و ئاماژە کرد لە دابەشکردن کەفالەت لەبان خیزانەیل چەتەیل داعش ک لەناو پارێزگاگە کوشیانە.
ئاژانس هەواڵگری دووپاتکرد ک قسەیلیان وە ئاشکراکردن تاوانیان واژوو کریا، و خریانە بەندین تا ریکارە یاساییەگان وەدژیان بووریەن.
لەلای خوەییش وەڕێۆبەرایەتی دژە تاوان بەغداد سەروە ئاژانس وەزارەتەگە لە باوەتەیل پۆلیس لە بەیاننامەیگ رەسیە ئاژانس شەفەق نیوز راگەیان دەسگیرکردن توومەتباریگ وە دزیکردن ٧٥ مەلیۆن دینار، و دووان تر وە توومەت کارکردن لە پویل دروکانی لە بەغداد.
و دیاریکرد ک مەفرەزیل نووسینگەی کەڕادە دەسگیر توومەتباریگ وە دزیکردن بایی ٧٥ مەلیۆن دینار وەگەرد لابتووبیگ لەناو ماڵیگ لە ناوچەی زەعفەڕانیە کردن، و هەمیش مەفرەزەگان نووسینگەی قودس توێنستن دوو توومەتبار دەسگیر بکەن وە تاوان ئاشکرایان لەوەخت کارکردن وە پویل دروکانی لە ٢٠ هەزار و ٥ هەزار دیناری، و لەلایان دەسنریا بان زیاتر لە یەک مەلیۆن دینار لە پویل دروکانی وەگەرد دەوانپەیگ و کیسەیگ لە مادەی کریستال.