پۊچەڵکردن بازرگانی وە لەش ئایەم لە بەغدا
شفەق نيوز/ سەرۆکایەتی ئۆپراسیۆنەیل بەغدا، ئمڕوو جومعە، خەوەردا لە پۊچەوکردن باندیگ بازرگانیکردن وە لەش ئایەم و دەسنریاسە بان چەک بی مۆڵەت.
سەرۆکایەتیەگە لە بەیاننامیگ ئمڕوو باسکرد، هێزەیل لە لیوای 42 تیپ پیادەی یانزە وە هاوبەشی وەگەرد مەفرەزەیگ لە نۊسینگەی دژه بازرگانیکردن وە ئایەم / نۊسینگەی رەسافە وە رێککەفتن وەگەرد بەش هەواڵگێری و ئاسایش ئۆپراسیۆنەیل بەغدا تۊنستن دەسگیر باندیگ بازرگانی کردن وە ئەندامەیل لەش ئایەم بکەن ک 8 کەس بۊنە و چوار ژن ها لە نوانیان.
لە بەیاننامەگە دیاریکردیە، دەسنریاگە وەبان ( یەک کلاشینکۆف و چوار دەوانچە) یەیش دۊای ئەوەگ زانیاریەیل هەواڵگیری هۊرد رەسییە پیمان لە لایەن ناوچەی کۆمەڵگەی کۆمپانیایەیل رەمەزان لەلای رەسافە.
وەگورەی راگەیانەگە، تۆمەتبارەیل و ئەو چەکەیلە دریانە دەس لایەنەیل پەیوەندار ، ئەرا وەرگردن سزایان وەگورەی یاسا.
