کەربەلا.. هیزگردن ئاگر لەناو پێشانگای مۆبیلیات و قورتارکردن کراکاریگ

شەفەق نیوز/ سەرچەوەیگ ناوخوەیی، ئمڕوو یەکشەممە، خەوەردا لە هیزگردن ئاگریگ لەناو پێشانگایگ مۆبلیات کە کەفێدە  جادەی " "حمزة الزغير" لە پارێزگای کەربەلا.

سەرچەوەگە ئەرا ئاژانس شەفەق نیوز ئاشکرایکرد، تیمەیل وەرگیری شارستانی  رەسینەس و توەنستن یەکیگ لە کراکارەیل کە ناو پێشانگاگە گیرکردبوی قورتاربکەن و کۆنترۆل رویداوەگە بکەن، وەبی ئەوەگ بلویزەی ئاگرەگە ئەرا شوینەیل دەوروگەردی هیز بگرێد.