ئەرا یەکەمین جارە.. ١٠٠ دۆلار ئەمریکی لە ١٦٥ هەزار دینار کەێدە بان
2023-01-19T11:09:53+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو پەنجشەممە، لە بۆرسەی سەرەکی بەغداد پایتەخت لە ھەولێر پایتەخت هەرێم کوردستان رەسیە بان ١٦٥ هەزار دینار.
پەیامنێر ئاژانس شەفەق نیوز وت: نرخ ١٠٠ دۆلار ئەمریکی، لە بۆرسەی کیفاح و حارسیە لە بەغداد پایتەخت، لە ساعەت 1.5 نیمەڕو، رەسیە ١٦٥١٠٠ دینار عراقی.
شەوەکی ئمڕوو، نرخ ١٠٠ دۆلار ئەمریکی رەسیە ١٦٢٠٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لەناو دوکانەیل ناوخوەیی بەغداد بەرزەو بوی، ک نرخ فرووشتن ١٠٠ دۆلار ئەمریکی رەسیە ١٦٥٥٠٠ دینار عراقی، و نرخ سەنینی رەسیە ١٦٤٠٠٠ دینار عراقی.
لە هەولێر پایتەخت هەرێم کوردستان، نرخ دۆلار لە بۆرسە هەمیش بەرزەوبوین توومار کرد، ک نرخ فرووشتن ١٠٠ دۆلار ئەمریکی رەسیە ١٦٥٧٥٠ دینار عراقی، و نرخ سەنینی رەسیە ١٦٥٧٢٥ دینار عراقی.
