ئەرا یەکەم جار دۊیای 2003 کلیسەیگ تایبەت وە ئینجیلی لە بەسرە وازکریا
شەفەق نیوز/ لە پارێزگای بەسرە، وەی دۊیاییە کلیسەی سەخرە پەیامنیری ئەرا یەکەم جار دۊیای ساڵ 2003 لە باشوور عراق واز کریا، تایبەتە وە پێکهاتەی ئینجیلی لە وڵات رافدەین.
وەرپرس کلیسەگە، قەس عەمار حکمەت، وت: " کۆمەڵگەی ئنجیلیەێل لە کۆتایی ساڵ 2005 و سەرەتا2006 دەس کردن وە چاڵاکیەێلیان لە پارێزگای بەسرە، "ئیمە نزیکەی یەکەم گروپین ک لە دۊیای ساڵ 2003 لە پارێزگاگە چالاک بۊینە، ک ڕژێم وەرین بی بەشمان لەلی ولە دامەزرانن ئی جوور گرووپەێلە سنووردار کردۊێد".
حکمت وتیش،" گروپ سەرەکیمان لە بەغدا کەلیسەێگ یەرا یەکەم جار لە لە بەغدا دۊیای ساڵ 2003 واز کردن، لە دوکوت ساڵ 2004 وتیش، " شمارەی کۆمەڵ ئینجیلی لە گشت جەهان رەسێدە فرەتر لە 200 ملیون کەس".
باسکرد، " لەوەر بارودوخ مادی ئیمە، لە بەسرە نەتۊنستیمنە کلیسە دروس بکەین، ماڵێگ وە کرا گردۊیمن، ئەرا جیوەجیکردن نەریتەێل ئایینیمان و لە ساڵ 2006 تا مانگ دە ساڵ 2021 بەردەوام بۊین لە ماڵەگە دۊیایی چیمنە ناو بیناگەی خوەمان".
حکمەت وتیش، کار لە دروسکردن کلیسە نووەگە لە ساڵ 2018 تا 2021 بەردەوام بۊی، "پرۆسەی وەرگردنەگەی لە وەر بیماری کۆرۆنا ک دا لە عێراق و جەهان وسیا".
وتیش:"کەلیسەی سەنگ پەیام یەکەم کەنیسەس ک لەدۊیای ساڵ 2003 لەباشوور عراق وازکریەد و سەدان لە کەسەێل کەمەڵەی ئینجیلی دامەزراننە کە ژمارەیان لەدوای جەنگ ساڵ 2003ەوە وەرەو داوەزین چوویە، وە نزیکی 10 هەزار کەس ئەرا 10000 کەس لە بەسرە".
"ئیمە هۊیرەو یکیمن لە وە جی هشتن عراق، لەوەر ئەوەی مەسیح پەیامبەر ئاشتی و وڵات ئاشتیە، لە بان ئی زەۊیە مەنیمن، و خوازیمن ئاسایش زاڵەو بوود".
دوپاتکرد، " کار دروسکردن کلیسەگە وە دەسمیەتی شمارەی فرەێگ لە دوسەێل ناو و دەێشت عراق بۊیە، و لە لیشیان برا موسڵمانەێلن، باوجی ئیمە گلەیی لەحکومەت ناوخوە لە بەسرە دێریمن، کە پێویست وە فرە چشت داشتین وەلی دەرێگ پەیا نەکردیمن ئەرا دەسمیەتی وەلایەن حکومەت ناوخوە، رەسیە ئەوەی دەرەێلیان وە رۊیمان بەسین ئیە کارەگ فرە خوسەدارکەر بۊی ".
لە کۆتایی قسەێلی " لە رووژ وازکردنەگەی سەرسام بۊیمن وە ئامادە بۊین برا موسڵمانەێل فرەتر لە کۆمەڵەگەمان، ئیە هەس خوەشیگ داشت لە لامان هیشتەمان خوەشی فرەێگ بکەیمن".
