‏ئەرا پڕکردن هەوەجەی بازاڕ.. عراق ری وە هاوردەکردن ٥ بەرهەم کشتوکاڵی دەێد

‏شەفەق نیوز - بەغدا

‏وەزارەت کشتوکاڵ عراق، ئمڕوو سێشەممە، وازکردن دەروازەیل ئەرا هاوردەکردن پەنج بەرهەم کشتوکاڵی راگەیان، یەیش ئەرا پڕکردن هەوەجەیل بازاڕ ناوخوەیی و جێگیرکردن نرخەیل لە وڵاتەگە.

‏وەزارەتەگە لە بەیاننامەییگ رەسیە ئاژانس شەفەق نیوز راگەیان، ئەو بەرهەمەیلە کە ری دریانە لە گشت سنوورەیل هاوردە بکرین بریتین لە: (کەلەم، قەرنابیت، شێلم، چەوەنەر، و خەس)، ئاماژە وە یەیش کرد ک ئی بڕیارە لەوەر تەواوبوین وەرز بەرهەمە ناوخۆییەیلە دريایە.

‏لە بەیاننامەگە هاتیە، ئی بڕیارە وەپای نیشاندەرەیل "رووژنامەی کشاوەرزی" و چەودێریکردن بازاڕەیل جوملە دەرچگە ک نیشان دەێد بەرهەم ناوخوەیی نەمایە، هەمیش دیاریکرد ئەرا رەزامەنی ئەنجومەن وەزاری  ئابووری دا لەبان داواکاری وەزارەتەگە لەی مژارە.