راپۆرت کەشناسی.. چارەک کۆتایی تەموز گەرمترین مانگ لە ساڵەگە بوود

شەفەق نیوز ــ بەغداد

دەسەی گشتی کەشناسی و زەویلەرزەناسی، ئمڕوو چوارشەممە، راگەیان چاەک کۆتایی مانگ تەموز گەرمترین مانگ لە ئمساڵ عراق بوود لەبان ئاست جەهان.

دەسەگە لە راپۆرتیگ وت؛ دیارترین شەپۆلەیل، شەپۆلە گەرمیەیل تاوسانە لە وڵاتەگە، کە عراق لەی مانگە تووماری کەێد، وە تایبەت ناوچەیل باشوور ـ بەرزترین مەەنەی پەیمانەی پلەی گەرمی، وە لەوەرچەوگردن کاریگەری بارستە وای نیمچە دورگەیی هشکیگ، وەرد سروشت جوگرافیای ناوچەگەو کەمی رویپووش سەوزایی.

وەپای راپۆرتەگە، "لە شار بەسرە، وە شیوەی فەرمی بەرزترین پلەی گەرمی لە مێژووی عراق 53.8° بویە لە بروار 22 تەموز 2016، کە شمارەگە لە ناوەین بەرزترین پەیمانەیل پلەی گەرمی توومارکریاگ لە جەهان دانرێد ئەرا ناوچەیگ کە دانشتگ بیاشتوود".

وتیش؛ "ئەرا بەغدای پایتەخت، بەرزترین پلەی گەرمی لە مێژووی نوێ 51.8° پلە بوی لە بروار 28 تەموز 2020، یەیش شمارەیگ ناوازەس لە توومار کەشناسی شارەگە".

لە راپۆرتەگە دیاریکرد "عراق شوین دیاریگ دیرێد لەناوەین ئەو وڵاتەیلە بەرزترین پلەی گەرمی فەرمی توومارکەن لەبان ئاست هەسارەی زەوی، وە جویریگ بەسرە و شارەیل باشوور هانە ناو لیست شارە جەهانیەیل  وەرد ناوچەیلیگ جویر دوڵ مردن لە کالیفۆرنیا (54°م) کوەیت (53.9°م) و ئیران (53.7°م)".

شەپۆلەیل گەرمی لە مێژوو

تەموز 2016:عراق گەرمیگ جیاواز وەخوەی دی رەسیە توومارکردن ئاست پەیمانەیی لە بەسڕە  (53.8°م)، و ئاست گەرمی لە فرەیگ پارێزگایەیل    50°پلە رەدکرد.

 تەموز 2020: وڵاتەگە رویوەروی گەرمی تون ترەک بوی، هیشت پلەی گەرمی لە بەغداد بڕەسێدە 51.8° پلە، کە بەرزترینە لە مێژووی پایتەخت.

تەموز 2021: بڕیگ لە ناوچەیل شەپۆلەیل گەرمی پروکێنەریگ وەخوەیان دین، وەرد نزیکەوبوین پلەی گەرمی لە شمارەیل پەیمانەیی نوو، لە ئەنجام درویژەوبوین پاڵەپەستۆ نزمەیل گەرمی تونیگ.