ئەرا دویەم رووژ وەبان یەک.. عراق لە بەرزترین پلەی گەرمی لەبان ئاست جەهان داوەزێد

وێستگەی "بلاسیرفیل" لە ویلایەت کالیفۆرنای ئەمریکا، خشتەی 15 ناوچە و شار جەهان بڵاوکردیە کە بەرزترین پلەی گەرمی داشتنە لەماوەی 24 ساعەت گوزەشتە.

خشتەگە دەریخەێد شار ئەهواز لە ئیران بەرزترین پلەی گەرمی لە جەهان توومارکردیە وە  50 پلەی سەدی، شار عەمادیە لە ئیران پلە دویەمە وە  49.4 پلە، شار سافی ئاباد لە ئیران وە 48.9 پلەی سەدی.

فرۆکەخانەی ناودەوڵەتی کوەیت لەکوەیت چوارەمە وە 

 48.8 پلە، فرۆکەخانەی ناودەوڵەتی بەسڕە لەعراق پەنجەمە وە ـ48.6 پلە.

وەپای خشتەگە شار ئابادان لە ئیران وەپلە شەشەم تێد  وە پلەی گەرمی 48.5 ، کویچەی حسێن لە پارێزگای  بەسڕە لە عراق هەفەمە وە48.2 پلە، شار عەمارە ناوەن پارێزگای میسان لە عراق هەشتەمە وە  48 پلە، شار فاو لەعراق نۆیەمە وە  48 پلە.

شار مزگەفت سۆلیمان لە ئێران وە پلەی دەیەم تێد وە پلەی گەرمی 47.8 سەدی، ناوچەی سونەینا لە عومان وە پلەی 11 وە پلەی گەرمی 47.5 سەدی و هەرێم هێرموسیلۆ لە مەکسیک لە پلەی دوازدەهەمە وە پلەی گەرمی 47.4 سەدی، و شار خونج لە ئیران پلەی 13 وەدەسهاوردیە وە پلەی گەرمی 47.3 سەدی، فڕۆکەخانەی ناودەوڵەتی ئەلعەین لە ئیمارات یەکگرتووی عەرەبی پلەی 14 وەدەسهاورد وە وە پلەی گەرمی 47.2 پلەی سەدی، لە دویای ئەویش فڕۆکەخانەی ئەبوزەبی لە ئیمارات کۆتاپلە وەدەسهاورد وە   پلەی گەرمی 48.1 پلەی سەدی.