ئیرانی هاناویان.. کوشیان و زەخمداری ٣٣ کەس وە رویداویگ هاتوچو دڵتەزن لە باشوور عراق
2023-03-22T13:40:27+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو چوارشەممە، خەوەردا لە رویداویگ هاتوچو لە شار ناسریە بویەسە هوکار کوشیان و زەخمداری ٣٣ کەس.
سەرچەوەگە ئەرا ئاژانس شەفەق نیوز وت: رویداویگ هاتوچو لەبان ری ناودەوڵەتی زوینە ناوبەین زیقار و بەسرە کەفتە ناوبەین دوو ماشین لە ناوچەی تەل لەحەم، ک رویداوەگە بویە هوکار زەخمداری ٣١ کەس و کوشیان دوو کەس.
سەرچەوەگە دیاری کرد ک لەناو زەخمدارەیل پەنج کەس رەگەزنامەی ئیرانی وەپیان بویە، وتیش: هیزەیل ئەمنی و تیمەیل فریاکەفتن رەسینە شوین رویداوەگە و زەخمدارەیل ئەرا نزیکترین بنکەی تەندروسی بردن.
