ئیران کارەبای ئەرا دیالە رەسانە ٧٠ لەسەد

وەگورەی وەرپرسەیل یەکەیل ئیداری لە دیالە، ریژەی کارەبا  لە گشت پارێزگاگە لە ٣٠٪ رەسیە ٧٠٪، بیجگە بڕیان لە پەککەفتن.

 ئاژانس شەفەق نیوز ئاگادار بوی ک دوو کڕ وزەی ئێرانی (دیالە - میرساد و خانەقین - سەپڵ زەهاو) کارەباگەی لە ٤٠٠ میگاوات بەرزەو کرد ئەرا ٩٥٠ میگاوات، ک ٧٠٪ لە خوازین پارێزگاگە جیوەجی کەێد، ک پارێزگاگە زیاتر لە ١٥٠٠ میگاوات خوازێد، تا کارەباگەی بڕەسێدە ٢٣-٢٤ ساعەت لە رووژیگ.

لایەن ئیران لە مانگەیل کانوون یەکەم و کانوون دویەم گوزەشتە کارەباگەی بڕێد، لەوەر ئەوە ک خوەی کارەبا خوازێد و پشتدەسەی زیاییگ نەیرێد تا ئەرا عراق کلی بکەێد، و وەرجە نزیکەی یەک هەفتەس گلەو خواردیە.