رافیدەین مووڵەت دەێد وە خانەنشینەیل رەسەن ئەرا وەرگردن قەرزیگ کە رەسێد ئەرا 10 ملیۆن دینار و میراتگرەیل وەدەر کەێد

شەفەق نیوز - بەغداد

سەرچەوەیگ ئاگادار، ئمڕوو یەکشەممە، خەوەردا لە گردنەوەر خانەنشینەیل رەسەن کە تەمەنیان لە 75 ساڵ رەد نیەکەێد وە وەرگردن قەرز دارایی  وەلایەن بانک رافیدەین پێشکەش کریەێد، کە رەسێدە 5 و 10 ملیۆن دینار.

سەرچەوەگە ئەرا ئاژانس شەفەق نیوز ئاشکراکرد وەرگردن قەرزەگە بەس تایوەتە وە خانەنشینەیل رەسەن و خانەنشینەیل میراتگر نیەگردەو، وە دیاری کرد، رێژەی قازانج رەسێدە 6%، لە وەختیگ ماوەی گلەودانی  رەسێدە پەنج ساڵ.

دیاری کرد  ئی گامە  لەناو ئاسانکارییەیل بانکی تێد کە بانکەگە پێشکەشی کەێد ئەرا توێژ خانەنشینەیل، وە شێوەیگ ری وەپیان بدەێد ئەرا سوودمەنبوین لە خزمەتگوزارییەیل کلکردن وەپای رێنماییەیل پشت وەپی بەسریاگ.