ئۆپراسیۆنیگ ئەمنی لە ناوچەیگ "تایوەت وە گرووپەیل چەکدار" لە باشوور بەغدا.. دەسگیرکردن 4 کەس و بەسانن دوو بارەگا
شەفەق نیوز ـ بەغدا
سەرچەوەیگ ئەمنی، ئمڕوو سێشەممە، خەوەر دا لە ئەنجامدان ئۆپراسیۆنیگ ئەمنی لە ناوچەی ئەلبوعیسە لە گەڕەک دۆرە لە باشوور بەغدای پایتەخت.
سەرچەوەگە ئەرا ئاژانس شەفەق نیوز وت، ئۆپراسیۆنیگ تایوەت وە پولیس فیدڕاڵی ئەرا دەسگردن وەبان چەک دەسوەپیکرد، وەپای زانیارییەیل ئەمنی، لە کێڵگەییل ئەلبوعیسەی سەر وە ناوچەی دەورە لە باشوور بەغدا، کە بویە مدوو دەسگیرکردن چوار کەس و دەسگردن وەبان چەک جوراوجویر، بیجگە لە بەسانن دوو بارەگا کە سەرچەوەگە وە "نادیار" ئەرا حەشد شەعبی وەسفی کردن.
سەرچەوەگە ئاشکراکرد، ئۆپراسیۆنڵگە لە کێڵگەییل ئەلبوعەیسە ئەنجامدریاگە، دێاریکرد چوار کەسەگە لە پەراوێز دەسگیرکریانە، هنای چەک جوراوجویر وەپیان گیریایە و لێکۆڵینەوە وەگەردیان کرێد.
وتیش؛ ئۆپراسیۆنەگە بەسانن دوو بارەگەی "نادیار" سەر وە حەشد شەعبی لە ناوچەگە گردەخوەی، دیایکرد ناوچەگە شوێنەیل تایوەت وە گرووپەیل چەکدار گرێدە خوەی، وەپای زانیارییەیل وەردەس.
وەزارەت ناوخوەی عراق، دویەکە دووشەممە، بەساننن 71 بارەگای "نادیار" سەر حەشد شەعبی لە گشت وڵاتەگە راگەیان، لە ناو رێکارەیلیگ کە پەیوەندیدارە وە رێکخسن چەک و سنووردارکردنی لە دەس دەوڵەت.
