٣ ئۆپراسیۆن ئەمنی لە پارێزگایەیل عراق ئەنجام دریەێد
شەفەق نیوز/ شانەی راگەیانن ئەمنی، ئمڕوو چوارشەممە، راگەیان دو ئۆپراسیۆن ئەمنی لە پارێزگای دیالە و کەرکوک دەسوەپی کەێد ئەرا وەدۊیاچگن شانەیل رێکخریاگ داعش.
شانەگە لە بەیاننامەیگ وت: سەرۆکایەتی ئۆپراسیۆن دیالە ئۆپراسیۆنیگ ئەمنی ئەنجام دەن ئەرا گەردین شمارەیگ لەناوچە و ئاواییەیل و ژیر سنوور دەسەڵاتیان.
لە بەیاننامەی دۊییەم، ئمڕوو شەوەکی، راگەیان وە ئامانج وەهێزکردن ئاساێش و سەقامگیری، پاکەوکردن زەۊیەیلە، بەشەیل بارگەی سەرۆکایەتی ئۆپراسیۆنیگ هاوبەش لە کەرکوک و ناوچەی ژیر دەسەڵاتیان ئەنجام دان، وە گەردین و پاکەوکردن شمارەیگ لە ناوچە و ئاواییەیل ژیر دەسڵاتیان.
هەر لەو چوارچمگە فەرماندەی ئۆپەراسیۆنەیل ئەنبار لە خوەرئاوای عراق دەسکردنە گەردین لەباشوور دەریاچەی سەرسار.
عەمید ڕافید عەبدولڵا یاسین وەڕێەوەبەر بەش زانیاری فەرماندەیی ئۆپراسیۆنەیل ئەنبار راگەیان؛ وەلایەن پێکهاتەیل دەزگا ئەمنییەیل و مەفرەزەیل پرۆسەی جیوەجیکردن فەرمان شمارە 351 لە بارەگەی تایبەت ئیمە دەرچگە، و دەسکردنە گەردین کڕ ستراتیجیەێل باشوور دەریاچەی سەرسار - و شار فەیاز ئەلفەیاد ئەرا دەستگیرکردن کەسانیگ داواکریای و وەشکین خێزانەیلە و وەدەسهاوردن ئاسایش و ئارامی.
