ئۆپراسیۆنیگ سەربازی لە دەورگرد خانەقین

شەفەق نیوز/ هیزەیل حەشد شەعبی، شەوەکی ئمڕوو سێشەممە، دەسکردنە ئۆپراسیۆن وەشکین فراوانیگ ئەرا وەشوینکەفتن چەتەیل داعش لە باخەیل و ناوچە دویرەیل لە دەورگرد قەزای خانەقین. 

بەشیر عەنبەگی فەرماندەی لیوای ٢٣ لە حەشد شەعبی لە بەیاننامیگ رەسیە ئاژانس شەفەق نیوز وت: هیزیگ لە لیوای ٢٣ و ٢٨ و موغاویر و چینەیل فەرماندەیی دەسکردنە ئۆپراسیۆن وەشکین و وەشوینکەفتن لە ناوچەیل عەلیاوە و باخ بەدریە و توفان و ناوچەیل کنار چەم ئەڵوەن لە دەوروگەرد خانەقین.  

وتیش: ئۆپراسیۆنەگە وەگورەی زانیاریەیلیگ هەواڵگیری لە تەقەلای ئەندامەیل داعش ئەرا دزەکردن وە ئامانج پەلامار ئاسایش خەڵکەگە لەو نوچە دەسوەپی کرد.