دۆلار وەگەرد وسانن بۆرسە لە قەیەغەی هاتووچگنەگە ئارام گرێد
2021-03-27T08:05:52+00:00
شەفەق نیوز/ بۆرسەی سەرەکی لە بازاڕەیل کیفاح و حارسیە لە بەغداد پایتەخت، ئمڕوو شەممە، لەکار وسیان لەوەر قەیەغە گشتگیرەگە ک لە دوێەکە جمعە تا سوو یەکشەممە وەردەوام بوود.
پەیامنێر ئاژانس شەفەق نیوز وت: بۆڕسەی سەرەکی لە بازاڕەیل کیفاح و حارسیە لە بەغداد لەئەنجام جیوەجیکردن قەیەغە گشتگیرەگە لەکار وسیان.
وتیش؛ نرخ فرووشتن و سەنەین لە دوکانەیل ئاڵشتکردنەکان ک بەشیگ لە بازاڕە ناوخۆیەکان دەرەیلیان واز کردن ئارام گرد، ک نرخ فرووشتن رەسیە ١٤٥٠٠٠ دینار عراقی، و نرخ سەنین رەسیە ١٤٤٠٠٠ دینار وەرانوەر ١٠٠ دۆلار ئەمریکی.
پەیامنێرەگەمان وتیش؛ بۆرسەی سەرەکی لە هەولێر ئمڕوو لەوەر پشۆی فەرمی واز نەکرد.
