ڤیدیۆ.. فڕۆکەیل F-16 عراقی "ئەشکەفت وتونێلیگ" لە ئەنبار خاپوور کەن

شەفەق نیوز/ شانەی راگەیانن ئەمنی، ئمڕوو دووشەممە، خاپوورکردن ئەشکەفتیگ و تونیێلیگ هن ریخریاگ داعش لە خوەرئاوای عراق راگەیان، وە دوو گورز ئاسمانی وە فڕۆکەیل F-16 عراقی.

شانەگە لە بەیاننامیگ رەسیە ئاژانس شەفەق نیوز وت: مەفرزەیل هەواڵگری سەربازی وە هەماهەنگی وەرد شانەی ئامانجکردن سەروە فەرماندەیی ئۆپراسیۆنەیل هاوبەش، چەودیری یەکیگ لە حەشارگەیل کردن، ک ئەشکەفتیگ وتونێلیگ بوین لە باکوور شار راوە، و ئی مەفرەزەیلە زانیاری هویردیگ وە پاڵەوانەیل هیز ئاسمانی رەسانن، ک دوو گورز ئاسمانی وە فڕۆکەیل F-16 جیوەجی کردن، ک دوو شوینەگە وە تەواوی خاپوور کردن.

دیاری کرد ک هیزیگ لە فیرقەی هەفتەم دەسکردە وەشکین ئەو شوینە،  و وەی نزیکە هویردەکاریەیل ئاشکرا کەیمن.