دەسگیرکردن 3 بازرگان مادەی هووشبەر لە بابلەو ئەرا ئەنبار چگنە
2024-01-10T11:42:48+00:00
شەفەق نیوز/ دەزگای ئەمن نیشتیمانی عراقی، ئمڕوو چوارشەممە، دەسگیرکردن ٣ بازرگان مادەی هووشبەر راگەیان، کە (١٠٠) هەزار دەنگ حەب مادەی هووشبەر وەپیان بویە، لە ئۆپراسیۆنیگ جویری لە پارێزگای ئەنبار.
دەزگاگە لە بەیاننامەیگرەسیە ئاژانس شەفەق نیوز وت، "مەفرەزەیلمان لە پارێزگای بابل، وە پشت بەسین وە زانیاری هەواڵگێریهویردیگ و چەودێری مەیدانیانەی وەردەوامیگ لەدویای وەرگردن رەزامەنی دادگا، توەنستنە ئۆپراسیۆنیگ جویری ئەنجام بیەن وە هەماهەنگی وەرد وەڕێوەبەرایەتی ئەمن ئەنبار، لەەنجام (٣) بازرگان مادەی هووشبەر دەسگیرکردن".
وتیش "ئۆپراسیۆنەگە کۆتایی وەپی هات لەدویایی ئەوەگ وەرەو رومادی کیشیانە و وەو توومەتە دەسگیرکریانە و (١٠٠) دەنگ حەب مادەی هووشبەر لەجویر کیتاگۆن وەپیان بویە بڕیار بویە لەناو پارێزگایەیل وڵات بەشەوبکرێد".
دەزگاگە لە بەیانامەگەی وتیش، "توومەتبارەیل وەرد دەسوەبان نریاگەیل ئەرا دەزگایدادوەری تایوەت کلکریانە، تا سزای دادپەروەرانەی خوەیان وەربگرن".
