دەسگیرکردن ژنیگ لە بەغداد مناڵیگ دوو ساڵان رفانییە
وەزارەتەگە لەبەیاننامەیگ راگەیان، لە ئۆپراسیۆنیگ ئەمنی کە هێزەیل پۆلیس فیدراڵی ئەنجامی دانە لە چوارچمگ تەقەلایەیلیان ئەرا دەسگیرکردن ئەندامەیل تاوانبار، لەئەنجام لیوای هەفت توەنست ژنە توومەتباریگ وە رفانن مناڵیگ دوو ساڵان دەسگیربکەن.
لە بەیاننامەگە ئاشکەرایکرد، توەنستنە دەسگیری بکەن وە وەختیگ پەیمانەیی لە دویای ئەوەگ وەلایەن کەسوکار مناڵەگە خەوەردارکریان و لەئەنجام وەدویاچگن ئەرا توومار کامیرەیل چەودێری کە لە گۆرەپان محەمەد جەواد لە شار کازمیە دانریانە.
وەزارەتەگە دیاریکرد، مەفرەزەیل هەمان لیوا توومەتباریگ دەسگیرکردنە کە دا دادگا وە توومەت کوشتن لە کویچەی خەتیب لە لای خەرخ توومەتبار بوی.
وەپای بەیاننامەگە لە چوارچمگ تیپ یەکەم لای رەسافە لە بەغدا 7 توومەتبار دەسگیرکریان وە پای مادەیل یاسایی کە تێوەگلیانە لە (کوشتن، دەسدرویژی وەبان زەوی کشاوەرزی، دەسکەفتن چەک بی مووڵەت، خەڵەتانن) لە ناوچەیل (نەهروان، مەدائن).
وەپای بەیانامەگە توومەتبارەیل ئەرا لایەن پەیوەنیدار کلکریانە ئەرا تەواوکردن رێکار یاسایی و لێکۆڵینەوەی پێویست وەگەردیان.
