دەسگیرکردن ژنیگ لە بەغداد بازرگانی وە ئایەم کەێد
2023-02-04T14:54:37+00:00
شەفەق نیوز/ وەڕیەوبەرایەتی دژە تاوان بەغداد، ئمڕوو شەممە، خەوەردا لە دەسگیرکردن ژنیگ لە باشوور بەغداد پایتەخت، بازرگانی وە ئایەم کەێد.
وەڕیەوبەرایەتیەگە لە بەیاننامەیگ رەسیە ئاژانس شەفەق نیوز وت: مەفرەزەیل نویسینگەی دژەتاوان مەدائین توەنستن ژنیگ وەتاوان بازرگانیکردن وە ئایەم دەسگیر بکەن، ک کاغەزەیل لێکۆڵینەوەی خریا وەردەس دادگای بانگەشەکاری و بڕیار بەندیکردنی وەگورەی مادەی ٥ لە یاسای سزادان عراقی دەرکرد.
لە خود وەختەگە، مەفرەزەیل دژەتاوان، شمارەیگ لە توومەتبارەیل وە دزیکردن ماتۆرسکڵ و توکتوک و دزیکردن پویل و ماڵەیل و دوکانەیل دەسگیر کردن، و هەمیش کەسەیلیگ وە توومەت ساختەکاری، ک ریکارەیل یاسایی وەرانوەریان جیوەجی کریا.
