دەسگیرکردن ئەندامەیل حەشد شەعبی لەوەر جەنگیگ و چەک قورس وەپیان بویە لە بەغداد

سەرچەوەگە ئەرا ئاژانس شەفەق نیوز ئاشکەرایکرد، مەرافەگە شەوەکی ئمڕوو رویدایە، لەناووەین ئەندامەیل و دوو هاوڵاتی، وەبی ئەوەی وە تەواوی هووکارەگەی برانرێد، هاوڵاتێەیل لە بنکە پۆلیس سکاڵا دژ وە دوو ئەندامەگە توومارکردنە.

دیاریکرد، لەناو بنکەی پۆلیسیش مەراف بویە، وە خوەیکیشانن بڕیگ ئەندام حەشد کۆتایی هاتییە لەدویای ئەوەگ رێکارەیل پێویست وەپای یاسا وەرانوریان گیریا.

سەرچەوەگە ڕاگەیان، دەسگیریاگە وەبان 4 چەک کلاشینکۆف، چەکیگ لە جویر BKC و لانجەر لە جویر  RPJ، سێ ئەممار گولەی کلاشینکۆف پەنج مووشەک RP6 چوار مووشەک RP7 قەڵغان، سێ کۆنتێنەر BKC، سێ شریت  BKC کە لە  250 گولە پێکهاتبوین.

سەرچەوەگە وتیش، دەسگیرکریاگەیل و چەکەیل دەسگیریایگ وەبان ئەرا لایەن تایوەت کلکریان تا رێکارەیل یاسای گونجیایگ بکرێد، و دەسکریاس وە لێکۆڵینەوە ئەرا ئاشکەراکردن هویردەکاری زیاتر لەباوەت رویداوەگە.