دەسگیرکردن ئەندامیگ داعش لە بەغداد

شەفەق نیوز/ وەزارەت ناوخۆ، ئمڕوو سێشەممە، دەسگیرکردن یەکیگ لە تیرۆریستەیل راگەیان ک کار لە "سوپای دابق و ویلایەت نەینەوا" کردیە، و دەسگیرکردنەگە لە ناوچەی سەیدیە لە بەغداد بوی.        

وەزارەتەگە لە بەیاننامیگ وت: وە ئۆپراسیۆنیگ جیاواز هیزیگ لە فەوج سێیەم لە لیوای هەفتەم فیرقەی دۊەم پۆلیس فیدراڵی توەنست بچوودە ناو یەکیگ لە ماڵەیل لە ناوچەی سەیدیە لە بەغداد،  و یەکیگ لە ئەندامەیل چەتەیل داعش تیرۆریست دەسگیر کرد ک وەگورەی مادەی ٤ تیرۆر داوا کریاگە، و زانیاری لەبانی هەس ک لە (سوپای دابق و ویلایەت نەینەوا) کار کردیە.  

بەیاننامەگە وتیش: هیزە ئەمنیەیلە لەو شۊنە دەسنانە بان تفەنگیگ کلاشینکۆف وەگەرد گولە و دوو دەوانچە و لاپتۆپ و دوو مۆبایل ئایفۆن.