دەسگیرکردن کەسەیلیگ ریەیل وە تایەر سزیاگ لە باشوور عراق بڕن
2021-06-06T06:57:13+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو یەکشەممە، خەوەردا لە دەسگیرکردن چەن توومەتباریگ وە بڕین ریەیل ناوڕاس شار ناسریە.
سەرچەوەگە ئەرا ئاژانس شەفەق نیوز وت: هێزیگ پۆلیس ٣ کەس دەسگیر کرد وە توومەت بڕین ریەیل وە تایەر سزیاگ لەناوڕاس شار ناسریە.
سەرچەوەگە وتیش: دەسگیرکردنەگە لە ناوچەی حەی فیدا لەناوڕاس ناسریە هات، ئەوەیش دویای داواکردن خەڵکەگە لە هێزە ئەمنیەیلە وە وازکردن ئەو ری زوینە ک ئەو کابرایلە بڕینەسەی.
