دەسگیرکردن کەسەیلیگ دەسدرویژی وەبان کارمەنیگ تەندروسی کردنە
2023-08-17T07:14:47+00:00
شەفەق نیوز/ وەزارەت ناوخوەی عراق، ئمڕوو پەنجشەممە، دەسگیرکردن ٥ توومەتبار راگەیان کە دەسدرویژی وەبان کارمەنیگ تەندروسی لە خەسخانەی کەندی لە بەغداد کردنە.
لە بەیاننامیگ رەسیە ئاژانس شەفەق نیوز هاتیە، " هێزەیل ئەمنی وەزارەت ناوخوەی رەسافە لە بەغداد توەنستنە پەنج توومەتبار دەسگیربکەن ک دەسدرویژی وەبان کارمەنیگ تەندروسی کردنە لەناو خەسخانەی کەنەدی لەڕی دەس و سوکایەتیکردن و پەلامارداین لەدویای مردن دڵگیان لە ئەولا، بیجگە لەوە دەسدرویژیش کردنە وەبان مەفرەزی ئەمنی ناو خەسخانەگە، وەگەرد ئەوەش شویشەی دەروازەی خزمەتگوزاری شکانن و بڕیگ لە دەزگاگانیش شکاندنە".
دیاریکرد، " رێکارەیل یاسایی پێویست لە وەرانوەریان گیریەدە وەر و دەسوەسەرکریەن تا کاغەز لێکۆڵینەوەیان تەواو بوود و پیشکەش دادگا کریەێد تا وە سزای خوەیان بڕەسن"، ئاشکەرایکرد؛ وەردەوامین لە مقیەتیکردن کارمەندەیل پزیشکی کراکارەیل خەسخانە و ناوەندەیل تەندروسی، بڕیگ پسای و رەفتارەیلیگ نا یاسایی چارەسەریان کەێمن" وەپای بەیاننامەگە.
