دەسگیرکردن ١٠ کەس سێ ژن هاناویان وە توومەت دزی و هوشبەری لە بەغداد
شەفەق نیوز/ فەرماندەیی پولیس فیدراڵی، ئمڕوو یەکشەممە، دەسگیرکردن دە داواکریاگ ئەرا دەسەڵاتەیل ئەمنی و دادوەری وە توومەتەیل جیاجیا راگەیان، سێ ژن وە توومەت فرووشتن هوشبەری و دزیکردن هاناویان.
فەرماندەییەگە لە بەیاننامەیگ رەسیە ئاژانس شەفەق نیوز وت: وەشوینکەفتن ئەمنی لەلایەن کەرتەیل فیرقەی دویەم پولیس فیدراڵی لەلای کەرخ بەغداد پایتەخت، رەسیە ئەنجام جیوەجیکردن یاداشتەیل دەسگیرکردن لەلایەن دادگایل، وەپاڵپشتی مەفرەزەیل ئەمنی، دوو ژن و دوو کەس لە بفرووشەیل هوشبەری لەناوچەی مەعالف دەسگیر کریان، و دوو کیسەی بویچگ لە مادەی کریستال هوشبەر و چشتەیل وەکارهاوردنی وەپیان بویە.
وتیش: ژنیگ توومەتبار وە مادەی (٤٤٦ دزیکردن) لە گەڕەک زوبات دەسگیر کریا، و لە ناوچەی تاجی دوو کەس وە مادەی (٤١٣ دەسدرویژی) دەسگیر کریان.
فەرماندەییەگە وتیش: مەفرەزەیل لیوای شەشەم سێ کەس لەلایەن مرافەیگ لە گەڕەک عامل دەسگیر کردن، و یەکیگیان دەوانچە وەپی بویە، دیاریکرد ک هەردوگ توومەتبارەگە دریانە دەس لایەنەیل پەیوەندیدار.
