دەسگیرکردن سێ تیرۆرست گرنگ لە بەغداد
شەفەق نیوز/ شانەی راگەیانن ئەمنی عراق، ئمڕوو پەنجشەممە، راگەیان دەسگیرکردن سێ تیرۆریست گرنگ وە ئۆپراسیۆن هەواڵگری لە بەغداد.
شانەگە لەبەیاننامەیگ رەسیە ئاژانس شەفەق نیوز وت: ئاژانس هەواڵگری لەبنەمای زانیارەی هەواڵگری تۊنست سێ تیرۆریست داواکریاگ وەگورەی مادەی ٤ تیرۆر دەسگیر بکەێد، لەوەر لایەنگرییان ئەرا چەتەیل داعش و دیاری کرد ک لە لێکوڵینەوەیل سەرەتا دەرکەفت ک تیرۆریستە یەکەمەگە وەنازناو (ئەبو حەمزە) لە مەفرەزە ویلایەت باشوور بەغداد لای داعش کار کردگە، و یەکیگ لە برایلی وەگەرد داعش بۊی، و لە پارێزگای ئەدلب سوریا کوشیاگە، و وەرپرس هاوردن و بردن چەک بۊیە لەناوبەین عراق و سو.
بەیاننامەگە وتیش: تیرۆریستە دۊەمەگە وەنازناو (ئەبو ئەنەس) لە ویلایەت ئەنبار لەلای داعش کار کردگە، و تیرۆریستە سێیەمەگە لە خشتەی داواکریایەیلە ک وەرد داعش کار کردنە.
