دەسگیرکردن کراکاریگ دەس لە دوو پزشک لە بەغداد وەشانیە
شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا ک هیزیگ ئەمنی کراکاریگ پاکەوکردن دەسگیر کرد، دەس لە پزشکیگ وخانمە پزشکیگ وەشانیە، وزەخمداریان کردیە، لە یەکیگ لە خەسخانەیل بەغداد پایتەخت.
سەرچەوەگە ئەرا ئاژانس شەفەق نیوز وت: مرافەیگ و دەسدرۊژیکردن لەبان کادر پزشکی خەسخانەی بنوک تایبەت لەناوچەی بنوک باکوور بەغداد کریا، و دیاری کرد ک کراکاریگ ناو خەسەخانەگە پاکەو کەێد، دەس لە کادر پزشکی وەشانیە و قسەی بەد وەپیان کردیە.
دیاری کرد ک خانمە پزشکەگە لەداڵگبوی ١٩٦٨ ، وپزشکەگە لەداڵگبوی ١٩٦٦ کەفتنە وەر دەسوەشانن وقسەی بەد لەلایەن کراکار پاکەوکردن، ک زەخمدار بوین، وتیش: لێکۆڵینەوەی یاسایی وەگەرد گشتی کریەێد.
لەلای خوەییش، پۆلیس بەغداد لە بەیاننامیگ رەسیە ئاژانس شەفەق نیوز وت: دەوریەیل پۆلیس شەعەب کەسیگ دەسگیر کردن دویای دەسدرۊژیکردنی لەبان کادر پزشکی لەناو خەسەخانەی بنوک تایبەت.
