دەسگیرکردن دە کەس ک بەشداربوینە لە کوشتن گەنجیگ لە ناسریە

شەفەق نیوز/ سەرچەوەیگ ئەمنی لە زیقار، ئمڕوو چوارشەممە، خەوەردا لە کوشیان گەنج بیس ساڵانیگ لەناوراس شار ناسریە ناوراس پارێزگاگە. 

سەرچەوەگە وە ئاژانس شەفەق نیوز وت، " گەنج بیس ساڵانیگ لە درەنگان دویەشەو کوشیایە وە چەن لێدانیگ وە چەقو لە ئەنجام رویدان مەرافیگ لەناوچەی شموخ لەناوراس شار ناسریە.

وتیش، هێزەیل ئەمنی ئاخڵەی ناوچەگە دانە توەنستنە ئەنجامدەرەیل تاوانەگە دەسگیر بکەن شمارەیان 10 کەس بویە، وتیش تەرم قوربانیەگە ئەرا پزشک دادوەری کلکریایە. 

  ئاشکەرایکرد، کەسوکار قوربانیەگە، ئاخڵەی ماڵ بکوشەگە دانە و گولە تەقانن، دویاجار روی دەێشت ماڵەگە سزاننە، هێزەیل ئەمنی رەسینە ئەرا شوین رویداوەگە و کۆنترۆلی کردنە.