دەسگیرکردن دوو کەس لە بەغدا تەقە لە مەردم کردنە.. وینە
2024-06-19T08:08:59+00:00
شەفەق نیوز/ فەرماندەیی ئۆپراسیۆنەیل بەغدا، ئمڕوو چوارشەممە، دەسگیرکردن دوو کەس راگەیان کە تەقە لە مەردم کردنە، و تەقەلای کوشتنیان دانە، ئەوەیش لە ناوچەی رەگیە وفازڵ لەلای کەرخ بەغداد پایتەخت.
فەرماندەییەگە لە بەیاننامەیگ رەسیە ئاژانس شەفەق نیوز: وەئامانج سنووردارکردن دیاردەی چەک وەرەلا، و جەنگەیل هووزانە (تیرۆر گەڕەکەیل) و تاوانەیل، هیزیگ لە لیوای پەنجەم فیرقەی دویەم پولیس فیدراڵی، توەنست دوو توومەتبار دەسگیر بکەێد تەقە لە مەردم کردنە و تەقەلای کوشتنیان دانە، مەوقەی ئاویاریکردن زەوییان.
دیاری کرد کە دویای رەسین زانیاری لە هاوڵاتییگ لە تەقەکردن لە ناوچەگە، وەکوتپڕ تیم کارکردن دروس کریا، وریەیل وەناو و دەیشت چگن ناوچەگە بەسیا، و روی وەرەو شوین رویداوەگە کریا، و هەردوگیان دەسگیر کریان، و چەک بی کەی سی وەپییان کریا وەگەرد فیشەک و ماتوورسکڵیگ (توکتوک) لە ناوچەی رەگیە وفازڵ لەلای کەرخ بەغداد.
وەگورەی بەیاننامەگەر ئەو دوو توومەتبارە وەگەرد چەک ز کەرەستەیلیاه دریانە دەس لایەنەیل پەیوەندیدار.
