دەسگیرکردن دوو کەس تواستنە مناڵیگ بفرووشن لە نەجەف و دویرەوخستن ٣١ کەس بیگانە لە فڕۆکەخانەی بەغداد
2024-08-06T10:05:19+00:00
شەفەق نیوز/ ئاژانس هەواڵگری و لێکۆڵینەوەی فیدڕاڵی، ئمڕوو سێشەممە، دەسگیرکردن دوو توومەتبار راگەیان خوازینە مناڵیگ بفرووشن لە پارێزگای نەجەف.
لە بەیاننامەیگ رەسیە ئاژانس شەفەق نیوز وت: مەفرەزەیل هەواڵگری لە پارێزگای نەجەف زانیاری وەپییان رەسیە لەبان دوو توومەتبار لە دەیشت پارێزگاگە هاتنە، خوازن مناڵیگ لە تەمەن دوو ساڵان وە پویل بفرووشن.
وتیش: وەکوتپڕ تیم کارکردن هەواڵگری دەروس کریا، و وەکوڵەگردنیگ توکمە دوو توومەتبارەگە دەسگیر کردن، و ئاشکرای نیاز خوەیان کردن کە هاتنە مناڵەگە لە نەجەف بفرووشن.
لەلای خوەییش، وەڕیەوبەرایەتی ڕەگەزنامە و پاسپۆرت و نیشتەجییوین دویێەوخستن ٣١ کەس وەڕی فڕۆکەخانەی ناودەوڵەتی بەغداد راگەیان کە یاسای نیشتەجییوین شکاننە.
لە بەیاننامەیگ رەسیە ئاژانس شەفەق نیوز وت: لە جیوەجیکردن فەرمانەیل وەزیر ناوخۆ، کاردرەیل وەڕیەوبەرایەتی کاروبارەیل نیشتەجییوین، ٣١ کەس وەڕی فڕۆکەخانەی ناودەوڵەتی بەغدا دویرەو خستن كە ياساي نیشتەجییوین عراقی شکاننە.
