دەسگیرکردن دوو تیرۆرست یەکیگیان لە پارچە ڤیدیۆیگ دەرچگە پشتگیری داعش کەێد
2023-01-04T09:41:24+00:00
شەفەق نیوز/ ئاژانس هەواڵگری و لێکۆڵینەوەی فیدڕاڵی، ئمڕوو چوارشەممە، دەسگیرکردن دوو تیرۆرست لە چەتەیل ریخریاگ داعش لە نەینەوا راگەیان.
ئاژانسەگە لە بەیاننامەیگ رەسیە ئاژانس شەفەق نیوز وت: وەڕی چەودیاریکردن ئەندامەیل چەتەیل داعش تیرۆرست، مەفرەزەیلمان توەنستن دوو تیرۆرست دەسگیر بکەن ک وەگورەی مادەی ٤ تیرۆر داوا کریانە.
وتیش: یەکیگیان لە راگەیانن چەتەیل تاوانکار دەرچگە هەنای دەس وەبان ماشینیگ سەربازی نانە لە یەکیگ بە جەنگەیل رزگارکردن.
بەیاننامەگە وتیش: گشت ریکارەیل یاسایی وەگەردیان جیوەجی کریا.
