دەسگیرکردن دوو توومەتبار دەسیان لەناو کوشیان دوو پولیس لە موسنا بویە
2023-04-30T13:11:01+00:00
شەفەق نیوز/ ئاژانس هەواڵگری و لێکۆڵینەوەی فیدڕاڵی لە وەزارەت ناوخۆ، ئمڕوو یەکشەممە، خەوەردا لە دەسگیرکردن دوو توومەتبار دەیان لەناو تەقەکردن لە هیزەیل ئەمنی بویە مەوقەی ئۆپراسیۆنیگ ئەمنی لەبان بازرگانەیل هووشبەری لە پارێزگای موسنا، باشوور عراق.
ئاژانەسەگە لە بەیاننامەیگ رەسیە ئاژانس شەفەق نیوز وت: هیزیگ تایبەتی توەنست دوو توومەتبار لە پارێزگای موسەنا دەسگیر بکەێد، وەگورەی مادەی ٤ تیرۆر لە رویداو تەقەکردن لە هیزەیل ئەمنی لە ١٢ی کانوون دویەم ٢٠٢٣ مەوقەی جیوەجیکردن ئۆپراسیۆنیگ ئەمنی لەبان بازرگانەیل هووشبەری داوا کریانە.
وەگورەی بەیانامەگە، دو توومەتبارەگە لەناو لێکۆڵینەوە ئاشکرای تاوانیان کردنە ک لە تەقەکردن وەبان هیزەگە بەشداری کردنە، ک بویە هوکار کوشیان دوو ئەندام ئەمنی و زەخمدارەی کەسەیلیگتر.
