دەسگیرکردن ٦ تیرۆرست یەکیگیان وەرجە ١٤ ساڵ دەسی لە کوشتن وەرپرسیگ لە سەحوە بویە
2023-07-09T10:53:08+00:00
شەفەق نیوز/ ئاژانس هەواڵگری و لێکۆڵینەوەی فیدڕاڵی، ئمڕوو یەکشەممە، خەوەردا لە دەسگیرکردن شەش توومەتبار وە توومەتەیل تیرۆر.
ئاژانسەگە لە بەیاننامەیگ وت: لە بنەمای زانیاری هەواڵگری هویرد، توەنستیە شەش داواکریاگ وە توومەتەیل تیرۆر وەگورەی مادەی چوار تیرۆر دەسگیر بکەێد، یەکیگیان لەساڵ ٢٠١٠ دەسی لەناو کوشتن وەرپرسیگ لە سەحوە بویە لە لەتیفیە.
بەیاننامەگە دیاری کرد ک بەڵگە وزانیاری نشان دەن ک ئەو توومەتبارەیلە لەناو تیرۆرستەیل ویلایەت باشوور بوینە، و فرەیان لەجەنگ وەرانوەر هیزەیل چەکدار و دەزگایل ئەمنی بەشداری کردنە، و بەڵگەنامەی ساختە وەکار هاوردنە تا لەدەس دەزگایل ئەمنی قورتار بوون.
بەیاننامەگە وتیش؛ دەسگیرکردن توومەتبارەیل وە دەسمیەتی هاووڵاتیەیل لە خەوەردان لەبان کەسەیلیگ توومەتبار رەسیە ئەنجام، و گشت توومەتەیل دریانە دەس لایەنەیل پەیوەندیدار.
