دەسگیرکردن بکوش چالاکوانیگ چالاکوانیگ مەدەنی و مامەی و زەخمدای ٨ کەس وە رویداویگ هاتوچو لە بابل
شەفەق نیوز/ فەرماندەی پۆلیس پارێزگای بابل، ئمڕوو شەممە، دەسگیرکردن بکوشەیل چالاکوانیگ مەدەنی و مامەی و زەخمدارکەر کەسیگتر لە بەغداد پایتەخت راگەیان، و هەشت کەسیش وە رویداویگ هاتوچو لە پارێزگای بابل زەخمدار بوینە.
فەرماندەییەگە لە بەیاننامەیگ وت: هیزەیل پۆلیس، بەش دژە تاوان قەزای قاسم وە بەشداری مەفرەزەیل بەش هەواڵگری قەزاگە، و هەماهەنگی و هاوکاری وەگەرد بەش دژە تاوان کازمیە لە بەغدای پایتەخت توەنستن دوو تاوانکارەل وە کوشتن لەیەکیگ لە ناوچەیل بەغداد دەسگیر بکەن و ریکارەیل یاسایی لەنوایان جیوەجی کریا.
وەگورەی زانیاریەیل سەرچەوەگە ئەرا ئاژانس شەفەق نیوز: ئەو دوو کەسە ک دەسگیر کریانە، توومەتبارن وە کوشتن چالاکوان حسێن عوبێد و مامەی لە ساڵ ٢٠٢١.
زانیاریەیل نشان دەن ک ئمڕوو لەڕی زانیاریەیل هەواڵی هویردیگ، هیزیگ لە دژە تاوان کازمیە وە بەشداری مەفرەزەیل ئاسایش گەشتیاری توەنست دەستگیریان بکەێد، هەنای لەناو یەکیگ لە هوتێلەیل کازمیە بوین.
لە رویداویگتر، ٨ کەس وە رویداویگ هاتوچو ناوبەین دوو ماشین لەبان ری مسەیب- کەربەلا لەناو پارێزگای بابل زەخمدار بوین.
