دەسگیرکردن باوگ و داڵگیگ خوازینە مناڵ خوەیان بفرووشن لە ئەنبار

ئاژانسەگە لە بەیاننامەیگ رەسیە ئاژانس شەفەق نیوز وت: مەفرەزەیلمان وەردەوامن لە وەشوینکەفتن باندەیل تاوانی لەوانەگ بازرگانی وە ئەندامەیل لەش ئایەم کەن، زانیاری لەبان توومەتباریگ رەسیە، خوازێد مناڵەیلی بفرووشێد، ک کوڕ و دویەتیگ بوین، وەرانوەر ١٥٠ هەزار دۆلار ئەمریکی.

وتیش: دویای رەسین ئەو زانیارییە، وەکوتپڕ تیمیگ پسپۆر دروس کریا، و توەنستن بیلن توومەتبارەگە لە پارێزگای دیالە باێدە پارێزگای ئەنبار تا خوەی و ژنەگەی تاوان فرووشتن مناڵەیلیان جیوەجی بکەن، لە وەختیگ تیمە ئەمنیەگە کوڵە لەلیان کردگە، و وەتاوانەگە دەسگیر کریان، و شکست وە نیاز دەروین نزمیان هاوریا.

وتیش: دادوەر وەگورەی مادەی ٦/ یەکەم و دویەم و شەشەم لە یاسای بازرگانیکردن وە ئایەم بڕیار بەندیکردنیان دەرکرد.