دەسگیرکردن کابرایگ نزیکەی ٤٠ مەلیۆن دینار لەناو ماشینیگ لە بەغداد دزیە
2023-07-10T08:57:07+00:00
شەفەق نیوز/ وەڕیەوبەرایەتی دژەتاوان بەغداد، ئمڕوو دووشەممە، دەسگیرکردن توومەتباریگ راگەیان ک نزیکەی ٤٠ مەلیۆن دینار عراقی لەناو ماشینیگ دزیە لە ناوچەی لەتیفیە لە باشوور بەغداد.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: مەفرەزەیلمان توومەتباریگ دەسگیر کردن لەبان دزیکردن ٣٠ مەلیۆن دینار عراقی و ٥٧٠٠ دۆلار ئەمریکی لەناو ماشینیگ لە ناوچەی لەتیفیە.
وتیش؛ دویای ئەوە ک کابرای خاوەن پویل لەلای مەفرەزەیل مەمحمودیە سکاڵا لە دزیکردن پویلی لەناو ماشینەگەی کرد، تیمیگ دروس کریا و رەسینە توومەتبارەگە و دەسکیر کریا، و مەوقەی لێکۆڵینەوە ئاشکرای دزیکردن ئەو پویلە لەناو ماشینەگە کرد.
