دەسگیرکردن کابرایگ مەوقەی تەقلادانی ئەرا رفانن مناڵیگ تا دەسدرویژی سێکسی وەگەردی بکەێد
2023-06-03T07:57:02+00:00
شەفەق نیوز/ پولیس پارێزگای زیقار، ئمڕوو شەممە، خەوەردا لە کابرایگ تواستیە مناڵیگ بڕفنێد تا دەسدرویژی سێکسی وەگەردی بکەێد.
پولیس لە بەیاننامەیگ رەسیە ئاژانس شەفەق نیوز وت: تیمیگ لە پولیس دروس کریا، لە پشت ئەوە ک مناڵیگ لە تەمەن دە ساڵان کەفتیەسە وەر تەقەلای رفیان.
وتیش: وە ماوەی ٢٤ ساعەت توومەتبارەگە ناسیا، و فەرمان دەسگیرکردن دادوەری لەبانی دەرچگ، و توومەتبار (ع.س.ي) لە تەمەن ٢٨ ساڵان لە خەڵک ناسریە حەی سۆمەر دەسگیر کریا، ک وەزوان خوەی ئاشکرا کرد ک مەوقەی رانین ماشین بارهەڵگرەگەی، مناڵیگ نزیک دوکانیگ دییە، و هویر رفاننی کردگە تا دەسدرویژی سێکسی وەگەردی بکەێد، باوجی کوڕەگە وایە.
هەرلیوا، قسەیلی لەلای دادوەر توومار کریا، و لە بنەمای مادەی ٣٩٧ لە یاسای سزادان عراقی بەندی کریا.
