دەسگیرکردن کابرایگ لە بەغدا تەقە لە پیاویگ و دوو ژن کریە

شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە دەسگیرکردن چەکداریگ تەقە لە پیاویگ و دوو ژن کردیە لە یەکیگ لەناوچەیل بەغدای پایتەخت. 

سەرچەوەگە وە ئاژانس شەفەق نیوز وت، وە تەقەلای هەواڵگێری لق تیم دویەم پۆلیس فدراڵی، ئمڕوو توەنستنە کەسیگ دەسگیر بکەن لە ناوچەی کەرادە خارج ناوڕاس بەغدا،  لە دویای کەمتر لە 24 ساعات لەتەقەلای کوشتن پیاویگ و دوو ژن. 

ئاشکەرایکرد، تۆمەتبارەگە دویەکە تەقەکردیە لە پیاویگ و دوو ژن لە ناوچەی ملحانیەی بەغدا وەو دەوانچە ک وەپی بویە، و زەخمدارییان کردیە و ئەرا خەسخانە کلکریانە.