دەسکریا وە ئۆپراسیۆنیگ ئەمنی هاوبەش ئەرا دەسگردن وەبان وەجیماگەیل داعش لە زنجیرە کویەی حەمرین

شەفەق نیوز ـ دیالە

فەرماندەیی ئۆپراسیۆنەیل دیالە لە حەشد شەعبی و فەرماندەیی ئۆپراسیۆنەیل سوپای عراق، شەفەق ئمڕوو سێشەممە، دەسکرد وە جیوەجیکردن ئۆپراسیۆن خێرایگ لەناو کویەی حەمرین.

دەسەی حەشد لە بەیاننامەیگ راگەیان، ئێ ئۆپراسیۆن لە سێ میحەر کرێد وەپای زانیاریەیل هەواڵگێری هویردیگ وە ئامانج لەناوبردن  وەجیماگەیل شانەی تیرۆرستی داعش لەو ناوچەیە.

وتیش، ئۆپراسیۆنەگە وە گورز ئامادکاری خەسیگ وەلایەنە توپخانە و گولە هاوەنەیل دەسوەپیکرد و ئامانجگە تا دەرچگن ئێ بەیاننامە وەردەوامە.