دەسەیگ پەرلەمانی: ئی وەزیرە بویە هووکار لە دزین هەفت ملیار و سێسەد مەلیۆن دینار
شەفەق نیوز/ قوتەیبە جبوری وەرپرس دەسەی تەندروسی وژینگەی پەرلەمانی، ئمڕوو یەکشەممە، توومەتبار وەزیر خوەنەواری باڵا کرد لە گومابوین هەفت ملیار و سێسەد مەلیۆن دینار، وەختا وەرپرس زانکۆی نەهرەین بویه.
جبوری لە بەیاننامەیگ رەسیە ئاژانس شەفەق نیوز وت: داوا لە سەرۆک وەزیران کردگە ئەرا سنورناین لە زەنجیرەی پێشیلکاری ک وەزیر خوەنەواری باڵا کەێدەی، وهووشداری دا لە نیازە شاراوەگانی ئەرا ویران کردن خوەنواری لە عراق، ودیاریکرد، ک خوەی هەست وە نائومیدی کرد لە نەوەردن هیچ هەڵوێستیگ لەلایەن سەرۆک وەزیران وەرانوەر وەزیرەگە، ک پێشیلکاریەگانی فراوانەو کرد، وپاپای یاساگان نەوی و سوکایەتی وگشت لایەنە چەودیریەگان کرد، وچمانی دەسەڵاتیگ لەبان خوەیەو نیە.
جبوری باس خەفەت خوەی کرد له‌وه ك ریکارەیل حکومەت تەنیا ئەرا راگەیاننە لە ری پەیوەندیە کۆمەڵایەتیەگان، وەبی هیج سزادان راسییگ ئەرا گەندەڵەگان، وگەرد نەبوون نیاز راسییگ ئەرا چاکسازی.
جبوری هەمیش وت: وەزیرەگە وەختا وەرپرس زانکۆ نەهڕەین بوی، خوەی و ئەحمەد کەمال ئاغا جیگر نەقیب ئەکادیمیاگان هەواڵەکریانە دەزگای دەسپاکی (نەزاهه)، لە وەر باوتەیلیگ گەندەڵی ودەسکاری (تەزویر) و گومکردن دارایی گشتی، و ئەو باوەتە هیمان هالای دەزگاگە.
جبوری وتیش: ئی بەڵگەیلە خەیمنە وەردەس سەرۆک ئەنجومەن دادوەری باڵا و سەرۆک بانگەشەی گشتی و سەرۆک دەزگای دەسپاکی، وبڕوا دیریمن وە پیشەییان و رکیان لە وەجیهاوردن ماف و مقەیەتی لە دارایی گەل عراق.
