دەسکردن وە ئۆپراسیۆنیگ ئەمنی لەلایەن حەشد شەعبی لە کوێەیل حەمرین.. وینە
شەفەق نیوز/ فەرماندەی ئۆپراسیۆنەیل حەشد شەعبی دیالە، ئمڕوو شەممە، دەسکردن وە ئۆپراسیۆن وەشکین فراوانیگ راگەیان، ئەرا وەشوینکەفتن ئەندامەیل ریخریاگ داعش لە کوێەیل حەمرین.
تاڵب موسەوی فەرماندەی فراکسیۆنەیل لە بەیاننامەیگ رەسیە ئاژانس شەفەق نیوز وت: هیزەگە دەسکردە جیوەجیکردن ئۆپراسیۆنەگە لە بنەمای زانیاریەیل هەواڵگری لەلایەن وەڕێەوبەرایەتی گشتی ئاسایش و دیسپلین حەشد شەعبی، و حەشارگەیل دوژمن وە هویردی دیاری کریا، و چەودیاری جویلەیلیان کریا.
موسەوی وتیش: یەکەم شوین ئۆپراسیۆنەگە لە ناوچەی سندیجە ک لەلایەن لیوای چوارەم حەشد شەعبی و هیزیگ لە وەڕیەوبەرایەتی ئەمن حەشد شەعبی جیوەجی کریەێد، و ئەوەکە لە ری نەیاسم ک لیوای ١١ و لیوای عەلی ئەکبەر و فەرماندەی فورات ناوراس لە حەشد شەعبی جیوەجیی کەێد، و سێەم ناوچەگە لە ناوچەی نارین جیوەجی کریەێد، ئەوەیش لەلایەن لیوای بیس وسێ، و شوینە چوارەمەگە لە ناوچەی عومەر مەندان لەلایەن لیوای بیس و چوارەم، و ناوچەی پەنجەم لە ناوچەی ئوم حەوالی لەلایەن لیوای ٦٢، وەگەرد هیشتن فەوجیگ لە هیزەیل کۆماندۆ جویر پشتدەسەیگ ئەرا فەرماندییەگە.
