دەسەی دەسپاکی وەڕێوەبەر ناحیەی سەڵاحیە لە دیوانیە وە تاوان بەرتیل وەرگردن دەسگیر کەێد

دەسەی دەسپاکی وەڕێوەبەر ناحیەی سەڵاحیە لە دیوانیە وە تاوان بەرتیل وەرگردن دەسگیر کەێد
2026-11-22T07:55:45+00:00

شەفەق نیوز - دیوانیە

دەسەی دەسپاکی فیدراڵی، ئمڕوو یەکشەممە، راگەیان  دەسەیلی لە دیوانیە وەڕێوەبەر ناحیەی سەڵاحیە لە وەخت وەرگردن بەرتیل وە تاوان دوینریاگ دەسگیر کردن.

دەسەگە لە بەیاننامەیگ ئەرا ئاژانس شەفەق نیوز دیاری کرد  دەسەیل هەردوگ هۆبەی لێکۆڵینەوە و دەسگیرکردن و هویردنوڕین لە نویسینگەی لێکۆڵینەوەی دەسەگە لە دیوانیە، تۊیەنستن وەڕێوەبەر ناحیەی سەڵاحیە دەسگیر بکەن، دۊیای ئەوەگ کە بڕە پۊیلیگ لە خاوەن موەلیدەیگ ئەهلی لە ناحیەگە داوا کردگە؛ لە وەرانوەر بەڵێن نەچەسپیاگ سزای دارایی لەبان موەلیدە ئەهلییەیل سەر وە پی دریا وەگەرد ئەوەیش هویچ سەرپێچییگ نەکردوید.

ئاشکرا کرد  کۆنویسیگ دەسگیرکردن یاسایی رێکخریاگە، و وەیاوەری توومەتبارەگە نریاگە وەردەم دادوەر دادگای لێکۆڵینەوەی دیوانیە تایبەتمەن وە کەیسەیل دەسپاکی، کە بڕیار راگرتنی دا وەپای سزایەیل بڕیار (160 ساڵ 1983) هەموارکریاگ.

Shafaq Live
Shafaq Live