دەسەی دەرەوە لێدوان لە وەخشین پاسەوانەیلیگ ئەمریکی لەلایەن تڕامب لەبان کوشتن عراقیەیلیگ
شەفەق نیوز/ دەسەی پەیوەندیە دەیشتیەگان لە پەرلەمان عراق، ئمڕوو چوارشەممە، شەرمەزار وەخشینەگەی دۆناڵد تڕامپ سەرۆک ئەمریکا کرد لەبان ئەندامەیلیگ لە کۆمپانیای بلاک ووتەر ک مەدەنیەیلیگ عراقی لە بەغداد پایتەخت کوشتنە.
موختار موسەوەی ئەندام دەسەگە ئەرا ئاژانس شەفەق نیوز وت: بڕیارەگەی تڕامب نشان سووکایەتی وە خوین عراقیەگان دەێد، و دووپات کەێد ک کوشتن عراقیەگان وەدەس ئەمریکیەگان لەوەگ ناوی نریاگە وە هەڵەیل سەربازی ک خوەیان وەزانابوینن، و شایەت وەفەرمان ئیدارەی واشینتۆن بوینە.
و جەختکرد ک بایەدە وەزارەت دەرەوەی عراق وەزوی جوولە بکەێد، و سکاڵا لە دادگا ناودەوڵەتیەگان نا ئەمریکیەگان بکەێد، وهەمیش پویچەڵکردن لە بڕیارەگەی تڕامب لە دادگا ناودەوڵەتیە تایبەتەگان بکەێد، ک خوەی بڕیاریگە هان ئەمریکیەگان دەێد ئەرا تاوانەیلیگ زیاتر دژوە ئەو گەلەگان، و ئەگەر حکومەت عراق جوولە نەکرد پەرلەمان هەڵوێست لەلی گرێد و جوور هاوبەشیگ لەی بڕیارە دوێنێدەی.
رۆژنامەی گاردینیان، ئمڕوو چوارشەممە، نووسان ک دۆناڵد تڕامپ سەرۆک ئەمریکا وەخشینیگ ئەرا چوار لە پاسەوانەیل ئەمن لە کۆمپانیای بلاک ووتەر دەرکرد، ک فەرمان زیندانکردن ئەرا ماوەیل دریژیگ لەبانیان دریا، لەوەر کوشتن ١٤ مەدەنی لە بەغداد لە ساڵ ٢٠٠٧.
