دەسەڵاتەیل عراق پەلاتفۆرمەیل مووشەکەیل دژوە پێشمەرگە پەیا کەن

شەفەق نیوز/ شانەی راگەیانن ئەمنی، ئمڕوو سێشەممە، بەیاننامەیگ دەربارەی ئەو گورزەیلە دەرکرد ک هێزەیل پێشمەرگە لەبان سنوور ناوبەین هەولێر و کەرکوک کەفتنە وەری.

شانەگە لە بەیاننامەیگ رەسیە ئاژانس شەفەق نیوز وت: هێزیگ لە فیرقەی پیادەی هەیشتەم لە سوپای عراق، ٦ پلاتفۆڕم ئاسنگین لە ناوچەی (نەبی ئاوە) لە خوار کوێەی عکاشە لە باکوور کەرکوک پەیا کرد، ک دوێەشەو لەلایەن کۆمەڵەیگ لەیاسا دەرچگ ئەرا وەشانن ٦ مووشەک لە چین (گراد) وەرەو هەرێم کوردستان وەکاریان هاوردن، ک کەفتنە ناوچەی چووڵیگ لەبان سنوور ناوبەین هەولێڕ و کەرکوک وەبی زەخمداربوینیگ.

شانەگە دووپات کرد ک دەزگا ئەمنیەکان هیمان لێکولینەوە لە ووردەکاریەیل ئی رووداوە کەن تا بڕەسنە تاونکارەیل و هەواڵەیان ئەرا دادوەری بکریەێد، لەو وەختە ک فەرماندەی بارەگای پێشکەفتگ ئۆپراسیۆنە هاوبەشەکان لە پارێزگای کەرکوک جەخت لە ریکارەیلی کرد ئەرا نواگردن دووارەبوین ئیجوور رووادەوەیگ.

دوێەکە دووشەممە، فەرماندەیگ سەربازی خەوەر لە وەشانن مووشەکەیلیگ لەلایەن نەناسریاگەیلیگ دا، لەبان هێزەیل پێشمەرگە لە سنوور پارێزگایل کەرکوک و هەولێر