دۊیای کوشیان قوڕەیشی..ئامادەباشی ئەمنی خەسیگ لە کەرکوک

شەفەق نیوز/ پەیامنێر ئاژانس شەفەق نيوز و سەرچەوەیگ ئەمنی، ئمڕوو پەنجشەممە،  خەوەردان لە بڵاوبۊن ئەمنی خەسیگ لەناو شار کەرکوک.  

پەیامنێر ئاژانسمان وت: جادەیل کەرکوک بڵاوبۊن ئەمنی و خاڵەیل وەشکین و مەفرەزەیل هاوبەش لە پۆلیس فیدراڵی و سوپا و پۆلیس ناوخۆیی وەخوەی دۊنێد.     

لەلای خوەییش،  سەرچەوەگە مەزەنە کرد ک ئی ریکارەیلە ئەرا مقەیەتیکردن بوود لەپشت راگەیانن کوشیان سەرکردەی داعش وەرجە چەن ساعەتیگ. 

وەرجەیە، ئمڕوو پەنجشەممە، سەرۆک ئەمریکا راگەیان کوشیان ئەبو ئیبراهیم هاشمی قوڕەیشی سەرکردەی داعش وە گورزیگ ئاسمانی لە باکوور خوەرئەڵات سوریا.   

قوڕەیشی ناوی ئەمیر محەمەد سەعید عەبدولڕەحمانە، و وەناو عەبدولڵا قەرداش ناسریاگە، و خوەییش تورکمانە خەڵک تەلەعفەرە خوەرئاوای نەینەوا.