دیالە و کەرکوک.. دەسگیرکردن 4 توومەتبار کە بیانیش هاناوەینیان وە توومەت هاوردنە ناو مادەی هووشبەر و خوەراک "ئکسپایەر"
شەفەق نیوز/ پۆلیس عراق، ئمڕوو شەممە،دەسگیرکردن راندەی بارهەڵگریگ بیانی راگەیان لە دەروازی سنووری مەندەلی لەری (K9) سەگ پۆلیسی کە مادەی هووشبەر وەپی بوی، و و دەسگیریا وەبان دوو تەن مادەی خوەراکی قاچاغ کە ئەرا وەکارهاوردن ئایەم گونجیاگ نین و توومەتبارەیل لە کەرکوک دەسگیرکریان
پۆلیس دیالە لە بەیانامەیگ رەسیە ئاژانس شەفەق نیوز راگەیان، "یەکیگ لە ئەندامە ئەمنیەیل سەر وە مەفرەزەی بەش ئیدارە و راهێنان سەک پۆلیسی لە پۆلیس دیالە و دوو وشکنین لە ری (K9) توەنستن راندەیگ بارهەڵگر بیانی دەسگیربکەن لە دەروازەی سنووری مەندەلی، دەسگیریا وەبان مادەیگ کە گومان کرێد ماەی هووشبەر بوود، رێکارەیل یاسایی وەرنوەری گیریاسەوەر، ئەرا زیندان کلکریا و هەمیش وەلایەن لایەنەیل ئەمنی تایوەت دەسگیریاس وەبان ئەو بارهەڵگرە وەپی بویە".
لە کەرکوک، فەرماندەیی پۆلیس پارێزگاگە لە بەیانامەیگ رەسیە ئاژانس شەفەق نیوز راگەیان، "توەنستنە دەسبگرن وەبان (21 تەن) مادەی حوەراکی قاچاغ و نەگونجیاگ ئەرا وەکارهاوردن ئایەم و بوون ناخوەشیگ لەلی دەرچگە، تەقەلادریایە وەبی وشکنین کۆنترۆل جویری تەقەلای وەناوبردن ئەرا شارەگە دریایە".
وتیش "هەمیش سێ کەس دەسگیرکریان وەگەرد دەسگردن وەبان ماشینەیلیان و پرۆسەی دەسگردنە بانەگە لە ئەنجام دروسکردن هازیگ و دانان کوڵەی قایمیگ تێد لەدویای وەرگردن رەزامەنی دادگا، ودەسگیریاس وەبان کەرەستەیل و رێکار یاسایی وەرانوەر توومەتبارەیل گیرێد ئەرا وەرگردن سزای گونجیایگ".
