دیالە یەکەمین مردن وە تەو خوینوەربوین توومارکەێد

شەفەق نیوز/ خەسەخانەی ڤێتەرنەری دیالە، ئمڕوو دووشەممە، خەوەردا پسایگ مردن وە "تەو خوینوەربوین" لە پارێزگاگە توومارکردنە".

وەڕێوەبەر خەستەانەگە محەمەد غەزبان وە ئاژانس شەفەق نیوز وت، "دویەکە ئیوارە دویەم تویشهاتن وە تەو خوینوەربوین  لە پارێزگای دیالە توومارکریا کە کابرایگ چل ساڵانە کاری قەساوی و بەشەوکردن گوشتە لە ناحیەی بەهروز سەر وە شار بەعقوبە".

وتیش "ئەو تویشبویە کە لە ناحیەی بوهرز توومارکیاس، ئمڕوو گیان لەدەسدا وەشیوەی لەناوکاویگ وە مدوو تێکچگن بارودۆخ تەندروسی" وتیش " "تیم تەندروسی و ڤێتەرنەری دەسکردنە وە وەرگردن رێکارەیل خوەیپارێزی لە ناوچەگە".

وەرجە دوو رووژ یەکەمین تویشهاتن وە تەو خوینوربوین گەنجیگ لە ناحیەی جەلەولا باکوور خوەرهەڵات پارێزگاگە توومارکریا.

وەزارەت تەندروسی عراقی، رووژ پەنجشەممەی گوزەشتە، راگەیان شمارەی تویشهاتن وە تەو خوینوەربوین رەسیە ئەرا 26 حالەت لە گشت وڵاتەگە لەناویان 4 مردۆ هەس".