دیالە.. لێکۆڵینەوە لە ئاگر "نادیاریگ" کە 3 تانکەر نەفت سیە و بەنزین سزان

شەفەق نیوز- دیالە

سەرچەوەیگ ئەمنی لە دیالە، ئمڕوو چوارشەممە، خەوەر دا لە وازکردن لێکۆڵینەوەیگ لە ئاگریگ کە شەوەکی زۊ لەناو گۆڕەپان فەوج پاراستن نەفت لە پەراوێزەیل شار بەعقووبە ناوەن پارێزگاگە هەڵسیا.

 سەرچەوەگە ئەرا ئاژانس شەفەق نیوز وت، کە ئاگرەگە سێ تانکەر بارکریاگ وە نەفت سیە و بەنزین سزان، بی ئەوەگ مدووەیلی تا ئیسە بزانرێد.

 سەرچەوەگە هەمیش وت کە شارەزایەیل بەڵگە تاوانکارییەیل دەس کردنە رێکارەیلیان ئەرا لێکۆڵینەوە لە هۊردەکارییەیل ئاگرەگە، لە وەختیگ تیمەیل ئاگرکپەوکردن تۊەنستن کپیەو بکەن، بی توومارکردن زەرەدەیل گیانی.

 ئی رۊداوە دۊای ئاگریگ لەی شیوە تیەێد کە دۊکە سێشەممە، لەناو تانکیەیل نەفت سیە کە تەرخان کریانە ئەرا کارخانەیل خشت لە ناوچەی نەهرەوان لە باشوور خوەرەڵات بەغداد هیز گرد.