دیالە .. دویەم تەقینەوە لەبان هیزەیل ئەمنی وەماوەی چەن ساعەتیگ

  شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە زەخمداری سێ ئەندام ئەمنی، یەک ئەفسەر هاناویان، لە دویەم تەقینەوە لە دیالە وەماوەی چەن ساعەتیگ.    

سەرچەوەگە ئەرا ئاژانس شەفەق نیوز وت: بومبیگ دانریاگ، وەرجە نیمەڕو ئمڕوو، تەقیە بان دەوریەیگ لە ئەفسەرەیل زانیاری لە فەوج حەشد هووزانە لە ناوچەی شروین لە دیالە، بویە هووکار زەخمداری سێ ئەندامیان ئەفسەریگ هاناویان.  

شەوەکی ئمڕوو دووشەممە، ٤ ئەندام لە لیوای ندا دیالە لە حەشد وە تەقیان بومبیگ دانریاگ لە مەوقەی وەشکین لە کەرت شروين سەروە ناحیەی مەنسوری زەخمدار بوین.