دیالە.. تویشهاتن 4 زاڕوو دویای خواردن خوەراکیگ وە (ژەهر مویش) پلگیاس

شەفەق نیوز/ سەرچەوەیگ پزشکی لە پارێزگای دیالە، ئمڕوو جمعە، خەوەردا کە 4 مناڵ تویش ژەهراوی سەختیگ هاتنە دویای خواردن خوەراکیگ پلگیای وە چشتیگ ژەهراوی لە باشوور شار بەعقووبە.

سەرچەوەگە ئەرا ئاژانس شەفەق نیوز وت؛ ئەو زاڕووەیلە خا خواردنە، کە ژەهر مویش لەناوی بویە کە دانریاس تا مویش و گرزە وەپی بکوشن لە ئاوای  (ئەبو خەميس) سەروە ناحیەی بوهرز باشوور بەعقووبە".

سەرچەوەگە دیاری کرد کە 3یان لەو مناڵەیلە برا بوینە و چوارمەگە ئامووزایانە، ئەرا خەسەخانە بریان و تیمەیل پزشکی ناوزگیان شووردنە، و گیانیان رزگار کردنە، و ئیسە تەندروسییان خاسە.